ملتقی الفقھی
ملتقی الفقہی اس موضوع پر سب سے بڑی ویب سائٹ ہے۔ یہاں ابواب کے لحاظ سے الگ الگـ فورمز موجو ہیں۔ ہر فورم پر سینکڑوں موضوعات موجود ہیں جن پر بحث و مباحثہ جاری رہتا ہے۔ اس ویب سائٹ کا ایک اہم فورم استشارات اور اقتراحات کا ہے جہاں نئے لوگ اپنے مقالے کے موضوعات شئیر کرسکتے ہیں اور اس پر اسکالرز اپنی رائے دیتے ہیں۔ یہ بہت مناسب ماحول فراہم کرتا ہے۔ ہر سوال کو کتنے لوگوں نے دیکھا اور کتنے لوگوں نے اس پر رائے دی، یہ تفصیلات بڑے سلیقے کے ساتھ موجود ہوتی ہیں۔
یہاں موجود سیکشنز میں اہم سیکشن ملتقی فقہ مقارن اور فقہ عام ہے جہاں معاصر مسائل کا اچھا خاصا ذخیرہ موجود ہے۔ ان کے علاوہ ایک سیکشن فقہی مذاہب کا ہے جہاں احناف، مالکیہ، شوافع اور حنابلہ کے الگ الگ فورم موجود ہیں۔ ایک اور سیکشن اصولی مباحث کا ہے جہاں فقہ اصولی، تنظیراصولی، مناھج اصولیہ، اعلام و مصطلحات اور مقاصد کے فورمز موجود ہیں۔ اس کے علاوہ اتنے وسیع سیکشنز اور بھی موجود ہیں جو سب کے سب معلوماتـ سے بھرپور ہیں۔
یہاں ایک سیکشن جس کا ذکر کیے بغیر باحثین کو اس کی فعالیت کا اندازہ نہیں ہوپائے گا وہ ”ملتقی صناعۃ البحث العلمی“ کے نام سے ہے جس پر موجود تحقیقات کو مرتب کیا گیا ہے۔ اس میں چار فورمز موجود ہیں۔ پہلا فورم صناعۃ بحثی کے نام سے ہے۔ یہاں فقہی تحقیقات میں مناہج اور اسالیبِ بیان، قواعد، مصطلحات اور تحقیق کی رسمی مباحث پر سیر حاصل مواد موجود ہے۔ دوسرا فورم ”ملتقی الرسائل الجامعیہ والمنشوراتـ البحثیہ“ ہے جس میں یونیورسٹیز اور ریسرچ انسٹی ٹیوٹس سے شائع ہونے والے تحقیقی مجلات اور مضامین کا ذخیرہ موجود ہے۔ چوتھا فورم ”ملتقی الدورات المتخصصہ والدروس العلمیہ، والمؤتمرات والندوات“ کے نام سے ہے۔ اس فورم پر ان کورسز، دروس، کانفرنسز اور تنظیماتـ کا ریکارڈ موجود ہے جو صرف اور صرف فقہی موضوعات سے تعلق رکھتے ہیں۔
جو لوگ فقہی موضوعات پر کام کرنا چاہتے ہیں یا کررہے ہیں ان کے لیے یہ ویب سائٹ کسی تحفے کم نہیں ہے۔ یہاں ہر طرح کی معلومات موجود ہیں اور مزید معلومات حاصل کی جاسکتی ہیں اور نئے موضوعات بھی یہاں سے حاصل کیے جاسکتے ہیں۔